◽( الإرشاد الصحيح وعدم تغيير اسم السير )
( السير في الأسماء الإلهية )
◽٥.٥ ( الصلاة على النبي وقوة الأوراد )
من سلسلة دروس علموا عني لمولانا الشيخ
محمد عثمان عبده البرهاني رضي الله عنه .
ص ١٨١ : ١٨٧ ج ٥
السائل : باقى فيه سؤالين تاني يا عم الشيخ ،
باقى سؤال واحد يا عم الشيخ ،
بيقولوا يا عم الشيخ ،
بالرغم من قوة الأوراد وقوة الإرشاد ،
فنحن لا نرى آثار المحبة التي نسمعها ،
في الدروس أو القصائد ،
فهل ذلك نسبة للحبس أم إننا مازلنا في البداية؟
مولانا الشيخ : أيوه التعطيلات كله من الحبس ،
مافي في ناس طريقتنا أبداً ،
واحد اسمه ما ورد مافى ، لكن إيه مدده؟
طريقتنا على الإطلاق ،
في أي بلد كان ،
( أنا بنيت الموضوع ) ،
( على أساس متين متين متين خالص ) ،
فيه حاجة اسمه الأساس ،
أساس اللى اتبنى عليه البيوت ،
أنا بنيته على المنوال ده ،
قعدت شهرين ثلاثة ،
( لغاية ما صححت حزب السيف )
( والأوراد و طبعته )
بعدين كمان في الكلام ساكت ،
( المدد بتاعنا الساكت )
( ده بضرب في الوتر الحساس جداً )
أنا قاعد أقول ما في واحد يغير الاسم اللي هو فيه ،
ولو الشيخ قال ليه غيره ولو سيدنا الحسين ،
ولو النبي ﷺ مش ده آخر حاجة ؟
عشان كل الواحد ما يجتهد فى اسم واحد ،
( ملائكته بيقربوا منه ملائكته بيقربوا منه )
( الشيخ المجنون اللي راكب كلكي )
( اللي يخلى مريده يكون فى الاسم ده )
( بعدين ينقله لده بعدين ينقله لده بعدين ينقله لده )
( مثاله زى واحد عاوز يزرع حفر بير )
لمن قرب من المويه خلاه ،( تركه يعني )
مشى حفر واحد تانى لمن قرب من المويه خلاه ،
حفر واحد تالت كده أخيراً لغاية ما يخرب الأرض ذاته ..
حصل نقاش بينى وبين الضيفية فى عطبرة ،
الشيخ كان اسمه شرقاوى خال محمد سيد ده ،
خاله خاله جد يفتحوا الحضرة ،
ويقفلوه يفتحوا الحضرة ،
ويقفلوه يفتحوا الحضرة ويقفلوه ،
أنا طبعاً لمن بروح في أي بلد ،
ما عندي شغل ياهو في الليلة الدروشة وكده ،
قال لى يا شيخ محمد أنا عاوزك في كلام ضروری ،
قلت له إيه هى؟
احنا فى القهوة ،
قال لي قوماك ١٠٤ بعيد شوية ،
مشينا بعيد قال لى حضرتنا ،
تتفتح شهر تتقفل شهر ،
تتقفل شهر تتقفل شهرين ،
ما قاعدين يجوا أولاد الطريقة ،
قلت له يا عم الشيخ :
أنا حتكلم لكن الكلام ده ما بينفع ،
قال لى لمهم ،
افتح الحضرة وبعدين نتكلم ،
أنا بعرفهم ماكنا أولاد بلد واحد لميتهم كلهم ،
عملنا المحال لميتهم كلهم ،
سألت واحد قلت ليه انت أورادك شنوه ؟
قال أنا عندى 7 أسماء ،
بيقروا كل واحد ۱۰۰ ألف وبعدين يغيروه ،
قال لأ ده قال أنا غيرت السبع أسماء ثلاثة مرات ،
واحد قال ٤ ، واحد قال ٥،
واحد قال ٦، واحد قال ١٠ ،
بالشكل ده ،
قلت ليه يا شيخ شرقاوى ،
( أخطر حاجة في الطريقة )
أكثر من شرب الخمر والزنا النظام بتاعكم ده ،
الله الله الله الله ده مكتوب في الكتاب ،
قلت ليه الكتاب ده بلوه وارموه في البحر ،
من زمن السيد عبد القادر الجيلاني ،
الطرق الفصلوا الخلوتية لوحده ،
والنقشبندية لوحده ،
وكذا وكذا فضلت أحكى ،
وانتوا الواحد منكم ،
بعد ما يعمل الضروريات ،
شغلته لا إله إلا الله بس ،
احنا بعد ١٠٠ ألف بنغيره ،
قلت ليه ولو ۲۰۰ ألف سنة ،
أصولياً ما يتغير ،
عشان كل ما تكتر من الاسم ،
الملائكة بتوعينه بيقربوا ،
وربنا أوعد الذين ،
﴿ إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ﴾
﴿إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ﴾
دى حالة الذكر ،
أيوه أنا معايا نفرين ،
قلت له اسأل ده ،
قال له انت فى ياتو اسم ؟
قال له أنا في المفرد بتقرأ كل ليلة كم ؟
۱۰ ، ۱۲ ألف ، وبقى لك كم ؟
٤ ، ٥ سنين ،
الثاني قال ٧ سنين ،
سألنى قال لى وانت ؟
قلت له أنا بقى لى ٢٥ سنة ،
في اسم واحد ،
وإذا عشت ٢٥ ألف سنة ،
مش راح أغيره ،
◽المشايخ كتر خيرهم
◽اللي ما خلوكم جنيتوا ،
◽من الخبطة العوالم ،
قعدت في مصر تلات اشهر
أربع اشهر لامن نظمت الأوراد ،
شفت الأورادات اللي عندنا ده ؟
في مصر ذاتها عند المشايخ ،
مافي مافيش حاجة اسمه ،
( يغيروا الاسم عندنا أبداً ) .
الواحد يكون في الاستغفار ،
بعدين يكون فى الصلاة على النبي ،
أو في التهليل يدخل للمفرد مليون سنة ،
ما يغيره الواحد بيكون إذا ما مستفيد حسياً ،
بيكون مستفيد معنوياً ،
( عنده المحبة )
( وعنده العقيدة )
وعنده وعنده وعنده وعنده ،
وعنده كل حاجة ،
( محل ما يمشى يعمل الاسم ده )
ويخليه يمشى للاسم الثاني ،
كأنه بيبتدى ساقية من جديد ،
كأنه بيبتدى ساقية من جديد ما ينفع .
السائل : طيب يا عم الشيخ ،
يعنى الأسماء بتاعة ديلاك ،
عندنا الاسم الله ولا بالتهليل ؟
مولانا الشيخ : الاسم ( الله ) عندنا ،
عند الخلوتية التهليل .
السائل : ( معلقاً ) :
ثاني فيه يا عم الشيخ الأسماء بتاعة ….
مولانا الشيخ : ( تاني مافي ) .
السائل : ( معلقاً ) :
طيب السبع أسماء ديل بيجيبوها كيف يا عم الشيخ ؟
مولانا الشيخ : السبع أسماء ده ،
عاملينه لمناسبات مخصوصة
يدوا المريد عدد منه ،
مش يبقى سير ليه عدد منه ، لمناسبة .
السائل : ( معلقاً ) :
زى قراية الأحزاب يعنى والحاجات الثانية ؟
مولانا الشيخ : ( زي الأحزاب أي ) .
٤.٥ ( السير في الأسماء الالهية )
السائل : بعدين يا عم الشيخ ،
الواحد في السير بالاسم ( الله )
وما يغيره كله كله ،
وبعدين يمر على الأسماء كلها ،
يا عم الشيخ ؟
مولانا الشيخ : لمن يمشى لمن يمشى إلى العرش ،
يمر في كل الأسماء ونضر الله وجه الراحل المترحل ،
الحديث كده يا الراحل المترحل ،
السير في الله أو قول الحلبة .
السائل : ( معلقاً ). : نعم السير في الله.
مولانا الشيخ : محمد .
السائل : ( معلقاً ) : أيوه يا عم الشيخ .
مولانا الشيخ : الحديث يقول إيه؟
” نَضَّرَ ” يعنى جمل ( نَضَّرَ الله وجه الراحل المترحل )
عندنا عند الصوفية يعنى إيه ؟
اللي يترحل في الأسماء الإلهية ،
( وهو فى اسم واحد )
(. من الاسم ده للاسم ده )
كده كده كده لغاية الآخر
ده المعنى عندهم ،
ولا قول الحلبة ما عندهمش بيت ،
من الشجرة ده للشجرة ده ياتو أحسن ؟
السائل : ( معلقاً ) : الحلبة؟
مولانا الشيخ : الحلبة ،
وبعدين الخبطة أوراده ،
مع أوراد ده خطر خالص .
◽شوف أنا واحد عاوز يقول لى ،
أنا عاوز أصلى على النبي ،
أقول له صلى الصلاة المطلسمة عدده كده ،
صلى الصلاة الذاتية عدده كده ،
صلى الصلاة الأنسية عدده كده ،
مش يجيب بتاع واحد شیخ تانى ،
عشان كل شيخ عنده مدد ،
ولون ونظام لوحده لخبطة ما ينفع ،
فلذلك تجد ناس محمود ديل ،
اللي هنا واللى فى البلاد الثانية بس كده ،
في ألمانيا مش فيه إرشاد ؟
في النمسا فيه إرشاد ؟
مصر القريبة ده فيه إرشاد ؟
هو كده كلنا كده .
- الدرس بقى حار النهارده –
ما فى أبداً تغيير .
السائل : (معلقاً ) : اسم واحد .
مولانا الشيخ : اسم واحد .
السائل : كل المشاكل بتيجى وهو في الاسم ده ذاته ؟
مولانا الشيخ : أيوه .
◽٥.٥ ( الصلاة على النبي وقوة الأوراد )
السائل : طيب يا عم الشيخ ،
الحديث يقول من صلى على عشرة ١٠ ،
كده لآخر الحديث كيف الصلوات التانية ،
بعدين عرفنا إنه كل صلاة جايه من مرتبة من الرسول ؟
مولانا الشيخ : أيوه أيوه أيوه ،
ده فى الصلوات الحديث ،
ده في الصلوات اللي نطقوا النبي بلسانه ،
الأنسية الأمية بتاعة سيدنا عمر ،
بتاعة سيدنا أبو بكر ، كده .
السائل : كل صلاة طالعة من مرتبة معينة ؟
مولانا الشيخ : من مرتبة اللى هو بيعرفه .
◽السائل : طيب يا عم الشيخ الذاتية ،
يكون كيف يا عم الشيخ ؟
◽مولانا الشيخ : الذاتية الذاتية ده ده ياهو الصلاة ،
أنا قريت كتب كتيرة جداً ما لقيت زى الصلاة الذاتية
ده مرتب عليه الطريقة يعنى أحسن واحد أصولياً ،
يقرأ الصلاة الذاتية سبعين ، سبعين ،
أقله ٣٩ ….. ( للرجال )
السائل : أقله كم ؟
◽مولانا الشيخ : ۳۹ .
السائل : ممكن يا عم الشيخ يقراها براها ،
بدون ما يقرأ صمدية ؟
مولانا الشيخ : أيوه ممكن .
السائل : ( معلقاً ) : ما مربوطة بالصمدية قالوا .
◽مولانا الشيخ : اللى مربوط مع الصمدية ده أيوه ،
لكن لوحدها ٣٩ أو ۷۰ إذا من غير الصمدية ،
ولا مع الصمدية خلاص كفت ،
بس تعرف حاجة واحد ،
صلاة زى الصلاة ده مافى قول واحد ،
صلاة زى الصلاة ده مافي الطريقة مرتب علشانه
أما الصلاة المطلسم داك هناك ما بيتعرف .
السائل : ( معلقاً ) : المطلسمة ،
ذاك أبعد من كده يا عم الشيخ ؟
◽مولانا الشيخ : أيوه كتير كتير ….
◽دى مرتبة اللاتعيينية ،
◽الصلاة الذاتية مرتبة التعيين الأول ، …..
◽يخلى الواحد يشيله الحال كتير ،
◽شفت التوسل بتاعنا ده ،
◽كل المشايخ ما عندهم ( إلهى بكنز الذات )
◽السائل : ( معلقاً ) : التوسل ياتو يا عم الشيخ ؟
◽مولانا الشيخ :
◽( إلهي بكنز الذات ده بتاع الطريقة )
◽( بتاع الطريقة ذاته ) .
◽السائل : وفيه يا عم الشيخ كل خواص الطريقة ذاته ،
◽بيقولوا يا عم الشيخ طريقة ،
◽خواص الطريقة ذاته في الأوراد ؟
◽مولانا الشيخ : أيوه …. الطريقة أيوه .
◽السائل : طهور بدعق كيف كيف الحتة دى؟
قطع في الشريط …
وللحديث بقية بإذن الله تعالى مع..
سلسلة دروس علموا عني لمولانا الشيخ
محمد عثمان عبده البرهاني
رضي الله عنه .
